pravas ayojan file

➯ અહીં શૈક્ષણિક પ્રવાસના આયોજનને લગતી માહિતી મુકવામાં આવશે.

❆ શૈક્ષણિક પ્રવાસ આયોજન ફાઈલ_મહત્વના પરિપત્રો ❆

❆ ➯શૈક્ષણિક પ્રવાસ આયોજન ઉપયોગી સાઈટ Click here

 wel_come 

	  Google Map Search in Place   
    
     www.girlionsafari.com/Lionsafari booking  
    
     Soon__  
    
      Soon__  
	

❆ ➯ શૈક્ષણિક પ્રવાસ આયોજન PDF ફાઈલ_મહત્વના પરિપત્રો Click here

 ❆ શૈક્ષણિક પ્રવાસ આયોજન ફાઈલ_મહત્વના પરિપત્રો ❆ 


  

    
  Pravas  useful File _ Letter  Discription 
    
 Download 
  
 
  

    
 ➯ .શૈક્ષણિક પ્રવાસ મંજુરી ઠરાવ pravas manjuri state and out state Letter - 2019  
    
  Click Here 
  
 
 

 

    
 ➯ પ્રવાસમાં આવનાર બાળકોના નામની યાદી  પત્રક PDF (75 student) 
    
  Click Here 
  
 
 
   

    
 ➯ wel_come 
    
  Click Here 
  
 
 
   

    
 ➯ wel_come 
    
  Click Here 
  
 
 
  

❆ ➯ શૈક્ષણિક પ્રવાસ આયોજન Word ફાઈલ Click here

 ❆ શૈક્ષણિક પ્રવાસ આયોજન ફાઈલ  ❆ 


  

    
 Pravas Ayoja useful Word File  Discription 
    
 Download 
  
  
 

    
 ➯ શૈક્ષણિક પ્રવાસ માટે વાલીનું સંમતિ પત્ર 
    

  
 
  
  

    
 ➯ એક દિવસીય શૈક્ષણિક પ્રવાસ મંજુરી 1 day pravas manjuri 
    

  
 
  
  

    
 ➯ પ્રવાસ મંજુરી માટેની અરજીનો નમુનો Education Traval Appointment sample 
    

  
 
  
  

    
 ➯ પ્રવાસ મંજુરી માટેની ફાઇલ - pravas manjuri file 
    

  
 
  
  

    
 ➯ wel_come 
    

  
 
  
  

    
 ➯ wel_come 
    

  
 

❆ ➯ શૈક્ષણિક પ્રવાસ આયોજન Excel ફાઈલ Click here

 ❆ શૈક્ષણિક પ્રવાસ આયોજન Excel ફાઈલ  ❆ 


  

    
 Educational travel useful Excel File  Discription 
    
 Download 
  
  
  

    
 ➯ પ્રવાસ સહમતી પત્રક - pravas Anumati patrak 
    

  
 
  
  
  

    
 ➯ Pravas Ayojan Excel File All Patrak update -17-12-22 
    

  
 
  
  
  

    
 ➯ wel_come 
    

  
 
 
 

❆ ➯ શૈક્ષણિક પ્રવાસ અહેવાલ નમુનો Click here

❆ ➯પ્રવાસ અહેવાલ

તા : ૦૫/૦૧/૨૦૧૮, સોસિયા કન્યા શાળા.

   આજ રોજ તાઃ ૦૫/૦૧/૨૦૧૮ને શુક્રવારના રોજ બાળકોની ઈચ્છાને માન આપીને પોહરીઆઈ – પાણીયાળી પગપાળા પ્રવાસનું આયોજન ક૨વામાં આવેલ છે, જેમાં ધો૨ણ : ૨ થી ૮ સુધીના બાળકો અને સમગ્ર સ્ટાફ જોડાયેલ.
સવારે ૮:૦૦ કલાકે તમામ બાળકો અને સ્ટાફ શાળાનાં સંકુલમાં એકત્ર થયેલ, ત્યા૨ે પછી બાળકોને આચાર્યશ્રી દ્વારા ચાલીને જવાનું હોવાથી યોગ્ય માર્ગદર્શન અને માહિતી આપવામાં આવી, પછી પ્રવાસમંત્રીએ બાળકોની હાજરીની ચકાસણી કરી જેમાં કુલ ૧૭૫ બાળકો પ્રવાસમાં જોડાયા, દરેકને જૂથમાં ચાલવાની સુચના આપી શાળાએ થી ૮:૩૦ કલાકે પહોરીઆઈ – પાણીયાળી જવા શિક્ષકશ્રીઓ બાળકોની ઈચ્છાને માન આપી સાથે પગપાળા ચાલ્યાં.
શિયાળાની ખુશનૂમા સવા૨માં ચાલતા જવાની બાળકોને વિશેષ આનંદ આવ્યો, માંડવાથી આગળ નહેરના રસ્તે બાળકોને શિયાળાની સવાર અને ઠંડીના અનુભવમાં કુદરતી સાનિધ્યમાં બોર ખાવાની બાળકોને વિશેષ મજા પડી. બાળકો સાથે શિક્ષક સ્ટાફ બોરનો રસાસ્વાદ લેતા કુદરતી સૌંદર્યને માણતા ડુંગ૨ અને ઝરણાંને ઓળગી ૧૧:૩૦ કલાકે પહોરીઆઈ – પાણીયાળી માતાના સાંનિધ્યમાં પહોંચ્યાં.
બાળકો માટે નાસ્તાનું આયોજન હોવાથી ત્યાં ચણાનો નાસ્તો આપવામાં આવ્યો, પછી સમગ્ર સ્ટાફ સાથે બાળકો માતાજીના દર્શને પહોંચ્યાં .સર્વે સાથે દર્શન કરી પહોરીઆઈ ના આશીર્વાદ મેળવ્યાં,ત્યારબાદ માતાના પટાગણમાં શિક્ષકો –બાળકો સાથે રમ્યાં, બપોરે ૧:૩૦ વાગ્યે બાળકો અને સ્ટાફે સાથે પાંઉભાજીનો રસાસ્વાદ માણ્યોં. પાઉંભાજી,છાશ,પાપડ,સંભારાના ભોજનથી બાળકો ખૂશ થયા, ૩:૦૦ કલાકે તમામ કાર્ય પુરૂં કરી,બાળકો અને શિક્ષકો માતાનાં મંદિરે સાથે બેસી શિક્ષણ અને કુદ૨તી સૌંદર્યના પરસ્પર સંબંધની ચર્ચા કરી અને બાળકોને પોતાના મંતવ્યો ૨જૂ ક૨વાની તક આપવામાં આવી, દરેક ધોરણ માંથી એક–બે બાળકોએ પોતાના વિચારો ૨જૂ કર્યા અને પછી બાળકો અને શિક્ષકો દ્વારા મંદિરના પટાગણમાં રહેલ કચરાની સફાઈ સાથે મળી ક૨વામાં આવી,મંદિરના પૂજારી દ્વારા બાળકોના આ કાર્યને બિ૨દાવવામાં આવ્યું.
૩:૩૦ કલાકે બાળકોની હાજરીની ગણતરી કરી માતાનો જયનાદ કરી સ્કૂલ ત૨ફ ૨વાના થયા, પાછા ફરતાં બાળકોને ડુંગરપ્રદેશમાં થતી વિવિધ વનસ્પતિનુ માર્ગદર્શન આપતા સાંજનાં શિતળ વાયરાનો અનુભવ કરતા પગપાળા બાળકો સાથે ૪:૩૦ કલાકે માંડવા પહોંચ્યાં.બાળકોએ ત્યાં વિશ્રામ કર્યો અને આઈસ્ક્રીમ,સોડા,નાસ્તાની મોજ માણી પછી સ્કૂલ તરફ ૨વાના થયાં. અંતાક્ષરી ૨મતાં-રમતાં ૫:૫૦ વાગ્યે બાળકો શાળાનાં પટાગણમાં પહોંચ્યાં,બાળકોને પ્રાર્થના હોલમાં સાથે બેસાડી હાજરી પૂરી, બાળકોના અભિપ્રાયો જાણવામાં આવ્યાં. આચાર્યશ્રી દ્વારા દરેકને શુભેચ્છા પાઠવી ૫:૩૦ કલાકે અમે સર્વે સાથે ઘેર જવા છૂટા પડયાં.

પ્રવાસ વર્ષ : ૨૦૧૭-૧૮

❆ ➯પ્રવાસ અહેવાલ
સૌરાષ્ટ્ર શૈક્ષણિક પ્રવાસ - ત્રણ દિવસ - અહેવાલ

તારીખ - ૦૨/૦૧/૨૦૨૩,  સરતાનપર પ્રા.શાળા 

              અત્રેની શ્રી સરતાનપર પ્રાથમિક શાળામાંથી કોવિડ -૧૯ જેવી વૈશ્વિક મહામારી બાદ શાળાની ઈત્તર પ્રવૃત્તિના ભાગરૂપે બાળકોની ઈચ્છા અને જિજ્ઞાસાને વાચા આપી શૈક્ષણિક પ્રવાસનું આયોજન કરવાનું નક્કી કરવામાં આવ્યું, સૌપ્રથમ આચાર્યશ્રી સાથે પ્રવાસ અંગે ચર્ચા-વિચારણા કરી તમામ સ્ટાફના મંતવ્યો બાદ સૌરાષ્ટ્રના વિવિધ જોવાલાયક અને યાત્રાધામને લગતા સ્થળોની માહિતી એકત્રિત કરવામાં આવી, ત્યારબાદ અમારી શાળાના પ્રવાસ અંગે અનુભવી શિક્ષકને પ્રવાસના રૂટ અંગે માહિતી એકત્ર કરી રૂટ નક્કી કરવા જણાવવામાં આવ્યું, પ્રવાસ અંગે એસ.એમ.સી. ની મીટીંગ બોલાવી તમામ સભ્યોને પ્રવાસ અંગે માહિતગાર કરવામાં આવ્યા અને પ્રવાસનો રૂટ જણાવવામાં આવ્યો તેમજ પ્રવાસ ફી અંગે ચર્ચા કરવામાં આવી,ત્યારબાદ સર્વાનુમતે સૌરાષ્ટ્રમાં તુલસીશ્યામ થી લઇ વિરપુર સુધીના શૈક્ષણિક પ્રવાસનો રૂટ પસંદ કરવામાં આવ્યો, આ રૂટમાં તુલસીશ્યામમાં ગરમ પાણીના કુંડ અને વિષ્ણુ મંદિર, દીવમાં પોર્ટુગીઝ કિલ્લો અને ચર્ચ ,સોમનાથમાં મંદિર, બીચ , સમુદ્ર દર્શન પથ અને ભાલકા તીર્થ ,સાસણગીરમાં દેવળીયા સફારી બાગ - સિંહ દર્શન, જૂનાગઢમાં સાયન્સ મ્યુઝિયમ, તારામંડળ અને 3d પિક્ચર વિડિયો, સક્કરબાગ પ્રાણીસંગ્રહાલય, ભવનાથની તળેટી માં રોપ- વે દર્શન અને જટાશંકરની ગુફા, દામોદર કુંડ, મુચકુંદ ગુફાઓ ,પરબધામ, ખોડલધામ - કાગવડ અને જલારામ મંદિર- વિરપુર વગેરે સ્થળો નક્કી કરવામાં આવ્યા. આ શૈક્ષણિક પ્રવાસમાં  ધોરણ ૬ થી ૮ ના બાળકોને લઈ જવાનું સર્વાનુમતે નક્કી થયેલ, તે અનુસાર ધોરણ ૬ થી ૮ ના બાળકોના વાલીઓની વાલી મીટીંગ બોલાવવામાં આવી અને તેમને પ્રવાસ અંગે માહિતગાર કરવામાં આવ્યા અને પ્રવાસ સંમતિ ફાર્મમાં સહી કરાવવામાં આવી, સરકારશ્રીની ગાઈડ લાઈન મુજબ સીટીંગ બસ લઈ જવાનું નક્કી થયું, બસના માલિક સાથે જરૂરી વાતચીત કરી ભાડા પત્રક તેમજ બસના જરૂરી દસ્તાવેજો અને ડ્રાઇવરના લાઇસન્સ અને આધાર પુરાવાઓ મંગાવવામાં આવ્યા,પછી તમામ પુરાવાઓ આચાર્યશ્રી અને સાથે જનાર શિક્ષકો દ્વારા ચેક કરી પ્રવાસની મંજૂરી અંગેના કાગળ તૈયાર કરવામાં આવ્યા. 

            એક અઠવાડિયા જેટલા ટૂંકા સમયગાળામાં પ્રવાસની તારીખ મળતા વિદ્યાર્થીઓને પ્રવાસ ફી અંગે જાણ કરવામાં આવી અને ધોરણ ૮ ના બાળકોને પ્રથમ પસંદગી આપવામાં આવી, લાંબા સમયથી પ્રવાસ ન થયો હોવાને કારણે પ્રથમ દિવસે જ પ્રવાસમાં લઈ જવાની સંખ્યા પૂરેપૂરી મળી ગઈ . સરકારશ્રી ની પ્રવર્તમાન પ્રવાસ અંગેની ગાઈડલાઈન મુજબ બાળકોની સંખ્યા લઈ જવામાં આવી. આ શૈક્ષણિક પ્રવાસમાં ભાઈઓ અને બહેનો બંનેને પ્રવાસમાં સાથે લઈ જવાનું નક્કી કરવામાં આવ્યું ,આ પ્રવાસમાં કુલ ૫૬ વિદ્યાર્થીઓ જોડાયા જેમાં ૨૩ કુમાર અને ૩૩ કન્યાઓ, એ મુજબ બે શિક્ષક અને એક શિક્ષિકા બહેનની તાલુકામાંથી પ્રવાસમાં જવા મંજૂરી આપવામાં આવી.તાલુકામાંથી પ્રવાસ અંગેની મંજૂરી મળતા પ્રવાસમાં જોડાનાર તમામ વિદ્યાર્થીઓને પ્રવાસમાં જનાર શિક્ષક અને આચાર્યશ્રી દ્વારા જરૂરી પ્રવાસ અંગેની સૂચનાઓ આપવામાં આવી તેમજ પ્રવાસનો રૂટ અને સાથે જનાર શિક્ષકોના સંપર્ક નંબર અને પ્રવાસની ગાડીના નંબર લખેલ કાગળ દરેકને આપવામાં આવ્યા અને સાથે રાખવા સૂચન કરવામાં આવ્યું, તેમજ પ્રવાસમાં સાથે લઇ જવાની વસ્તુઓ અને પ્રવાસમાં ધ્યાન રાખવા જેવી બાબતો અંગે નિર્દેશ કરવામાં આવ્યો, પ્રવાસમાં રાત્રિ રોકાણ દરમિયાન તેમજ ભોજન સમયે અને સાફ સફાઈ અંગે વિદ્યાર્થીઓની ટુકડીઓ પાડી દરેક વિદ્યાર્થીઓને પ્રવાસની કામગીરી સોંપવામાં આવી, તેમજ પ્રવાસની તારીખ અને પ્રવાસે જવાના સમયની જાણ કરવામાં આવી. તેમજ દરેક બાળકોને બસમાં બેસવાની વ્યવસ્થા પહેલેથી જ શિક્ષકો દ્વારા કરવામાં આવી હતી એ પ્રમાણે બસમાં બેસવાનું સૂચન કરવામાં આવ્યું, શૈક્ષણિક પ્રવાસની તારીખ - ૨૮/૧૨/૨૦૨૨  થી ૩૦/૧૨/૨૦૨૨  નક્કી થયેલ હતી એ મુજબ ૨૭ તારીખે રાત્રે  પ્રવાસે જવાનું નક્કી કરવામાં આવ્યું, દરેક વાલીને પોતાના બાળકને પ્રવાસે જવા માટે રાત્રે શાળાએ મૂકી જવાનું સૂચન કરવામાં આવ્યું . 

               શિયાળાની ખુશનુમાં કાતિલ ઠંડીમાં બાળકો પ્રવાસે જવાની ઉત્સુકતા સાથે વહેલા શાળાએ પહોંચી ગયા ૧૨.૦૦ વાગ્યા આસપાસ બાળકોની હાજરી પુરી પોતાના નંબર પ્રમાણે બસમાં બેસારી લગભગ રાત્રીના એક વાગ્યા આસપાસ અમે સરતાનપર થી તુલસીશ્યામ જવા માટે મા ખોડીયાર અને રામદેવપીર બાપાની જય બોલાવી અમારા પ્રવાસની શુભ શરૂઆત કરી,શિયાળાની રાત્રિના ઠંડા લહેરકા, સુમસામ રસ્તાઓ વચ્ચે ગીત ગુંજન અને અંતાક્ષરી રમતા - રમતા કડકડતી ઠંડીનો અનુભવ કરી સવારના ૦૬:૩૦  વાગ્યા આસપાસ અમે તુલસીશ્યામ ગેટ પર પહોંચ્યા.ગેટ બંધ હોવાને કારણે પંદર-વીસ મિનિટ રાહ જોઈ ૦૬:૪૫ વાગ્યે ગેટ ખુલતા ગેટ પાસ લઈને તુલસીશ્યામ ૭.૦૦ વાગ્યે પહોંચ્યા. ત્યાં પહોંચી દરેક બાળકોએ અને શિક્ષકોએ દાતણ પાણી કરી ગરમ પાણીના કુંડમાં પોતાના હાથ-પગ ધોઈ સાથે નાસ્તો કર્યા, ત્યારબાદ સાથે ગયેલ શિક્ષકો દ્વારા ગરમ પાણીના કુંડ અંગે બાળકોને માહિતગાર કરવામાં આવ્યા.પછી ડુંગર પર રુકમણી ના મંદિરે દર્શન કર્યા અને સાથે ફોટોગ્રાફ્સ લીધા , નીચે ઉતરી વિષ્ણુ ભગવાનના મંદિરે દર્શન કરી પ્રસાદ લઈ લગભગ સવારના ૦૯.૦૦ વાગ્યે દીવ જવા બસમાં બેસી બાળકોની હાજરી પુરી રવાના થયા.તુલસીશ્યામ થી દીવ જતા રસ્તામાં બાળકોએ ચાલુ બસે ખુબ આનંદ અને કિલ્લોલ કર્યો અને મસ્તી કરતા કરતા ૧૦.૧૫ વાગ્યે અમે દીવમાં પોર્ટુગીઝ કિલ્લો જોવા માટે પહોંચ્યા, તમામ વિદ્યાર્થીઓ ને એક હરોળમાં ઉભા રાખી પોર્ટુગીઝ કિલ્લો અને ખ્રિસ્તી લોકોના સર્ચ અંગે માહિતી આપવામાં આવી, અહીં બાળકોએ સાથે ગયેલ શિક્ષક  હિતેશભાઈ પંડયા દ્વારા બાળકોને કિલ્લા અંગે માહિતી આપવામાં આવી,કિલ્લાના દરવાજા ત્યાંની બારીઓ, ઝરૂખાવો ,રસ્તાઓ સમુદ્ર વચ્ચે રહેલ જેલ અંગે માહિતી આપવામાં આવી તેમજ જેલમાં રહેલ કેદીઓ અંગે ચર્ચા કરવામાં આવી એ જાણી બાળકોને ખૂબ નવાઈ લાગી તેમજ ત્યાં એમણે વિદેશી લોકો ને જોય તેમના પોશાક અને રહેણી કેણી અંગે માહિતી મેળવી.ભારતીય અને પાશ્ચાત્ય વિદેશી સંસ્કૃતિ ની રહેણી-કરણી અંગે માહિતી મેળવી અને બાળકો એક અનોખા અનુભવમાં ગરકાવ થઈ ગયા.ત્યારબાદ ૧૨.૩૦  વાગ્યે દીવ થી સોમનાથ જવા નીકળ્યા ,દીવ એક કેન્દ્રશાસિત પ્રદેશ હોવાને કારણે ત્યાંના સુશાસન અંગે અને દીવની નગર રચના ત્યાંની સ્વચ્છતા જોઈ  એ  અંગે માહિતી મેળવી બાળકોએ સ્વચ્છતાનો એક પાઠ આત્મસાત કર્યો .દીવ થી સોમનાથ જતા રસ્તામાં મારૂતિ હોટેલ પર બાળકોને બપોરનો નાસ્તો અને શેરડીનો રસ આપવામાં આવ્યો, હોટલના પટાંગણમાં નારિયેળીના વૃક્ષ નીચે બાળકોએ ભોજનનો આનંદ માણ્યો અને બસમાં બેસી સોમનાથ મહાદેવના જયનાદ સાથે સોમનાથ જવા ત્યાંથી બસમાં બેસી રવાના થયા, રસ્તામાં કિલ્લોલ કરતા કરતા બાળકો એક અનોખી સફરનો અનુભવ કરી રહ્યા હોય એમ જણાતું હતું .

              લગભગ ૦૪.૧૫  વાગ્યા આસપાસ અમે સોમનાથ પહોંચ્યા તમામ વિદ્યાર્થીઓને બસમાંથી નીચે ઉતારી બસ પાર્કિંગમાં ભેગા કરી સાથે રહેવા સૂચન કરવામાં આવ્યું .સૌપ્રથમ દરેક બાળકને માસ પહેરાવવામાં આવ્યા અને ત્યારબાદ સોમનાથ મહાદેવના દર્શનાર્થે લઈ જવામાં આવ્યા, ત્યાં બાળકોએ મહાદેવના શિવલિંગના દર્શન કર્યા અને શિક્ષક શ્રી દ્વારા તેમને મંદિર અને તેમના ઇતિહાસ અંગે માહિતગાર કરવામાં આવ્યા ત્યાં બાળકોએ બારે બાર જ્યોતિર્લિંગ અંગે માહિતી મેળવી .મંદિરના પટાંગણમાં પ્રસાદી લઈ દરેક બાળક એક હરોળમાં સાથે રહી સમુદ્ર દર્શન પથ પર ભેગા થઇ સમુદ્રના દર્શન કર્યા અને સોમનાથ સમુદ્ર બીચ પર બાળકોએ ઘોડે સવારી અને ઊંટ સવારીનો આનંદ માણ્યો તેમજ સૂર્યાસ્ત સમયે સમુદ્ર બીચના અનોખા નજારાનો અનુભવ મેળવ્યો.સૂર્યાસ્ત સુધી બાળકો બીચ પર રોકાયા અને રમતો રમ્યા તેમજ નાસ્તા પાણી અને મોજ મશ્કરી કરી. લગભગ સાત વાગ્યા આસપાસ બાળકો સોમનાથ ભોજનાલયમાં રોટલી શાક અને કઢી ખીચડી નો ભરપેટ ભોજન કરી પગપાળા ચાલીને શારદાપીઠ ધર્મશાળાના રસ્તે ચાલીને રાત્રિ રોકાણ માટે ધર્મશાળા પહોંચ્યા.પ્રથમ રાત્રી સોમનાથ ધર્મશાળામાં રોકાયા.

               તારીખ - ૨૯/૧૨/૨૦૨૨ ના રોજ સોમનાથ ધર્મશાળા થી વહેલા સવારે નાઈ ધોઈ નાસ્તા-પાણી કરી ૦૬:૩૦ વાગ્યા આસપાસ ભાલકાતીર્થ જવા નીકળ્યા, ભાલકાતીર્થ જ્યાં પારધીએ ભગવાન શ્રીકૃષ્ણને બાણ માર્યું અને ભગવાને પોતાનો પ્રાણ છોડ્યો એ સ્થળના વહેલી સવારે બાળકોએ દર્શન કર્યા મંદિરના પટાંગણમાં પ્રવાસમાં સાથે ગયેલ શિક્ષક દ્વારા બાળકોને શ્રી કૃષ્ણ ભગવાનના માનવજીવન લીલાના અંત અંગેની ભાલકાતીર્થ સાથે બનેલી ઘટના અંગે માહિતગાર કરવામાં આવ્યા ,ભાલકાતીર્થ થી થોડે આગળ જતાં બાળકોને સવારમાં ચા અને નાસ્તો આપવામાં આવ્યા .ત્યારબાદ સફારીબાગ જવા માટે નીકળ્યા ૦૮:૦૦ વાગ્યા આસપાસ તાલાલા થઈ ૦૮:૦૦ વાગ્યે સફારી બાગમાં સિંહ દર્શન માટે પહોંચ્યા.સફારી ભાગમાં બાળકો બાલવાટિકા માં રમ્યા પછી અમારી જ બસમાં બેસીને સફારી બાગમાં સિંહના દર્શન કરવા માટે ગયા, ત્યાં જતા પહેલા અમારી સાથે એક ગાઈડ બસમાં આવ્યા અને એમણે બાળકોને જરૂરી સૂચનાઓ આપી, સફારીબાગમાં વનરાજ માર્ગ પર અમને મુક્ત રીતે વિચરતા સિંહ પરિવારના દર્શન થયા બાળકોએ બસમાં બેસીને જ ખૂબ નજીકથી એશિયાટિક લાયન એવા ગીરના સાવજના બારીકાઈથી દર્શન કર્યા બાળકોએ બસમાં પોતાની જગ્યાએથી જ સિંહ પરિવારને નિહાળ્યો અને ખરા સિંહના દર્શન કરી ખૂબ આનંદ પ્રાપ્ત કર્યો .ત્યાં સમૂહમાં ફોટોગ્રાફ લઈ ૧૦:૩૦  વાગ્યે સફારીબાગથી નીકળી જુનાગઢ જવા રવાના થયા. રસ્તામાં બાળકોએ સિંહ દર્શનની વાતો અને અંતાક્ષરીની મોજ માણી .

                બપોરના ૧૨:૩૦  વાગ્યા આસપાસ અમે સ્વામિનારાયણ મંદિર જૂનાગઢ પહોંચ્યા બાળકોએ મંદિરના પ્રવેશ નો સમય પૂર્ણ થઇ ગયેલ હોવાને કારણે ત્યાંના બગીચામાં રહેલ વિવિધ પુષ્પો અને વૃક્ષો પર કરેલ કોતરણી અને વિવિધ ડિઝાઇનનો ખ્યાલ પ્રાપ્ત કર્યો .સ્વામિનારાયણ મંદિરમાં બપોરના ભોજનની વ્યવસ્થા ન થતાં અમે જૂનાગઢમાં બપોરના ભોજન માટે  ગોરક્ષનાથ આશ્રમ ( શેરનાથ બાપુનો આશ્રમ ) ભોજનાલય ભવનાથ તળેટી પહોંચ્યા અને ૦૨:૦૦  વાગ્યા આસપાસ આશ્રમમાં સ્વાદિષ્ટ અને સાદુ ભોજન કર્યા.૦૨:૧૫  વાગ્યા આસપાસ સક્કરબાગ પ્રાણીસંગ્રહાલય જોવા માટે નીકળ્યા અને ૩:૦૦ વાગ્યે પ્રાણીસંગ્રહાલય પહોંચી અંદર પ્રવેશ કર્યો .બધા જ વિદ્યાર્થીઓ અને શિક્ષકોએ સાથે રહી પ્રાણીસંગ્રહાલયમાં રહેલ  વિવિધ જાતના પક્ષીઓ, પ્રાણીઓ, સરીસૃપ જીવજંતુઓ, માછલીઘર વગેરે સાથે રહી જોયા અને દરેક વિશે માહિતી મેળવી. પ્રાણીસંગ્રહાલયમાં બાળકોને સફેદ વાઘ અને વિશાળકાય હિપોપોટેમસ જોવાની સૌથી વધારે મજા પડી. ૦૫:૦૦ વાગ્યે પ્રાણી સંગ્રહાલયમાંથી બહાર નીકળી વેલિંગ્ડન ડેમ જવા નીકળ્યા,૦૫:૩૫  વાગ્યે વેલિંગ્ડન ડેમ પહોંચ્યા, વેલિંગ્ટન ડેમ પર બાળકોએ ડેમ અને ત્યાંથી દૂર દેખાતા પહાડોના નજારાને સૂર્યાસ્ત સમયે અનોખા અંદાજમાં માણ્યો ત્યાં સમૂહમાં ફોટોગ્રાફ લઈ બાળકોએ ડેમ પર નાસ્તો અને ઠંડા પીણાની મોજ માણી,જયેશભાઈ  દ્વારા બાળકોને ડેમના ઇતિહાસ અને તે નદી વિશેની માહિતી આપવામાં આવી તેજાણી બાળકોને વધારે ઉત્સુકતા જાગી,ડેમ પર રહેલ વાંદરાઓ સાથે બાળકો મશ્કરી કરતા કરતા ૦૬:૦૦ વાગ્યે ત્યાંથી બસમાં બેસી દામોદર કુંડ અને મુચકુંદ ગુફાઓ જોવા નીકળ્યા. ૦૬:૧૫ કલાકે દામોદર કુંડ પહોંચ્યા ત્યાં બાળકોએ કુંડમાં હાથ-પગ ધોઈ ત્યાંના પવિત્ર પાણીને આત્મસાત કર્યું ,ત્યાં રહેલ મંદિરમાં ભગવાનના દર્શન કરી મંદિરના પટાંગણમાં અંદર ભાઈઓ બહેનોને સાથે બેસારી હિતેશભાઈ પંડ્યા અને જયેશભાઈ  દ્વારા બાળકોને મુચકુંદ ગુફાઓ અને દામોદર કુંડ સાથે સંકળાયેલ નરસિંહ મહેતા અને ભગવાન શ્રીકૃષ્ણની સાથે બનેલ ઘટના અંગે માહિતી આપવામાં આવી ત્યારબાદ બાળકોએ એક હરોળમાં રહી મુચકુંદ ગુફાના દર્શન કર્યા અને ગુફામાં પ્રવેશ કરી બહાર નીકળ્યા ત્યાંનો ઇતિહાસ જાણી બાળકોને વધારે મજા પડી ,દામોદર કુંડ અને મુચકુંદ ગુફા જોઇ ૦૭:૩૦ વાગ્યે  ભવનાથ પહોંચ્યા.ભવનાથમા એક હોટેલમા જમીને ૦૯:૧૫  વાગે મચ્છુયા  આહિર સમાજની વાડીમા રાત્રી રોકાણ માટે પહોંચ્યા.ત્યાં રાત્રી રોકાણ દરમ્યાન આખા દિવસના થાકને કારણે તેજલ નામની વિદ્યાર્થીનીએ પગ કળવાથી અને ગળું સુકાવા થી અફાટ  રુદન કર્યું , જેના કારણે સાથે રહેલ બીજી અનેક વિદ્યાર્થીનીઓ પણ રડવા લાગી અને રાત્રિ દરમિયાન ભાઈઓ અને બહેનો ની દરેક રૂમમાં એક નિસ્તબ્ધ શોકની લાગણી છવાઈ ગઈ સાથે ગયેલ શિક્ષકશ્રીઓ અને બહેન દ્વારા ઘણું સમજાવવા છતાં એમણે રડવાનું ચાલુ જ રાખ્યું જે અમારા આખા એ પ્રવાસનો એક દુઃખદ અનુભવ છતાં સુખદ અનુભવ માં અંતે ફેરવાઈ ગયો જે પ્રવાસમાં આવનાર તમામ વિદ્યાર્થીઓને આજીવન યાદ રહેશે.રાત્રે બાળકો દિવસ દરમિયાન ની મુસાફરી ને કારણે સ્નાન કરી ૧૧:૦૦ વાગ્યે સૂઈ ગયા.


          ત્રીજે દિવસે ૦૫:૦૦ વાગ્યે સવારે વહેલા જાગી તૈયાર થઈ નાસ્તા પાણી કરી લગભગ સવારે ૦૭:૦૦ વાગે ધર્મશાળાથી નીકળી ભવનાથ તળેટીમા ડુંગરાના ૨૫૦ જેટલા પગથિયા ચડ્યા..ત્યાં કિન્નરો સાથે બનેલી ઘટનાએ  બાળકોને એક નવો અનુભવ તાજુબ  કરાવ્યો,ડુંગર પર બાળકોએ  વાંદરાઓ સાથે ખૂબ મોજ મસ્તી કરી અને બાળકોએ વાંદરાઓને બિસ્કીટ, વટાણા, ડાળિયા વગેરે ખવડાવ્યા અને વાંદરાઓ સાથે ફોટોગ્રાફ પડાવ્યા, ૮.૦૦  વાગ્યા સુધી ત્યાં રોકાયા પછી  ત્યાથી રોપ-વે દર્શન કરી જટાશંકર ગુફા તરફ થોડે સુધી જંગલમા ગયા.ત્યાં બાળકોએ વૃક્ષોની જાડીમાં બેસી જૂનાગઢની ડુંગરની તળેટીમાં રહેલ પ્રકૃતિ સૌંદર્ય ને ભરપેટ માણી ત્યાં સમૂહમાં અને વ્યક્તિગત ફોટાઓ પડાવ્યા,  ત્યાથી ૦૯:૪૫  વાગ્યે  તારામંડળ જોવા પહોંચ્યા.ત્યાં તારામંડળ,સાયન્સ મ્યુઝિયમ અને 3D પિક્ચર જોયા, તારામંડળ માં બાળકોએ તારાઓ, રાશિઓ, ગ્રહો, ઉપગ્રહો, અને અવકાશ વિશેની માહિતી મેળવી અને બ્રહ્માંડની રચના , તેમની ઉત્પત્તિ અને તેમના ક્રમિક વિકાસ અંગે માહિતી પ્રાપ્ત કરી પૃથ્વીનો ઉદ્ભવ કઈ રીતે થયો તે જાણી બાળકો રોમાંચિત થઈ ગયા, અવકાશમાં રહેલ અવકાશ સંશોધન લેબોરેટરી તેમજ ત્યાંના જીવન વિશે માહિતી મેળવી,ત્યારબાદ સાયન્સ મ્યુઝિયમ ખાતે  વિજ્ઞાન અને ગણિતના વિવિધ સિદ્ધાંતો આધારિત વિવિધ મોડેલો, પ્રતિકૃતિઓ , આકૃતિઓ અને સિદ્ધાંતો આધારિત કાર્યકર્તા વિવિધ સાધનો સાથે મોજ મસ્તી સાથે રમત રમી માહિતી આત્મસાત કરી,પછી ૩ડી પિક્ચર માં બાળકોને ચશ્મા આપવામાં આવ્યા એ પહેરી બાળકો પિક્ચર જોવા બેઠા પિક્ચર જોતા જોતા બાળકોએ ખૂબ કિલકિલાટ અને શોરબકોર કર્યો થ્રીડી પિક્ચર કઈ રીતે કાર્ય કરે છે એ બાળકોને સમજાવવામાં આવ્યું .સમગ્ર પ્રવાસ દરમિયાન બાળકોને આ થ્રીડી પિક્ચર માં સૌથી વધારે આનંદ આવ્યો . તારામંડળ,સાયન્સ મ્યુઝિયમ અને 3D પિક્ચર  જોઇ ૧૧:૨૦  વાગે ત્યાથી નિકળી ૧૨:૪૫ પરબધામ પહોંચ્યા.અહિં દર્શન કરી મંદિરના ખુલ્લા ચોગાનમાં આંબાના વૃક્ષો નીચે બાળકોને બેસાડી અહીં સંત અમર મા અને દેવીદાસ બાપુ એ કરેલી રક્તપિત્તના દર્દીઓની સેવા અંગે બાળકોને શિક્ષકો દ્વારા માર્ગદર્શન આપવામાં આવ્યું અને મંદીર  સાથે સંકળાયેલી ઘટના વિશે માહિતગાર કરવામાં આવ્યા,ત્યાંના ભોજનાલયમાં બપોરનું સાદુ  અને સ્વાદિષ્ટ ભોજન લઇ બાળકોએ મંદિરની સ્વચ્છતા અને જમવાની ચોખાઈ  નજરોનજર નિહાળી, ત્યાં દુકાનોમાં બાળકોએ આઈસ્ક્રીમ, કોલેટી, ચોકલેટ અને રમકડાઓ ની ખરીદી કરી પછી ત્યાંથી જમીને ૦૨:૦૦ વાગે ખોડલધામ કાગવડ જવા નિકળ્યા.૦૩:૦૦ વાગે ખોડલધામ પહોંચ્યા.ખોડલધામ પહોંચી સૌપ્રથમ સમૂહમાં સાથે મંદિરના ગર્ભગૃહમાં માં ખોડલ ના દર્શન કર્યા ત્યારબાદ મંદિરના પટાંગણમાં પગથિયે બેસી તમામ વિદ્યાર્થી ભાઈઓ બહેનોએ અને શિક્ષકોએ સાથે બેસીને ફોટોગ્રાફ્સ લીધા અને પ્રવાસની યાદગાર ક્ષણોને કેમેરામાં એક ક્લિક દ્વારા કેદ કરી,ખોડલધામ ચા ઘરમાં દરેક બાળકોએ મફતમાં ચાની મીજબાની માણી ત્યારબાદ ખોડલધામ મંદિરના પરિસરમાં રહેલ શક્તિ વન ની અંદર બાળકો મોજ મસ્તી સાથે ત્યાં રહેલ વિવિધ રમતના સાધનો મારફત રમત રમ્યા અને પૈસાના સિક્કા નાખી ફુવારા ચાલુ કરી કુદરતી નજારાને માણવાનો આનંદ પ્રાપ્ત કર્યો,ત્યાં સમૂહમાં બેસી ફોટોગ્રાફ્સ લીધા અને ત્યાંથી પ્રસાદી લઈ ૦૪:૪૦  કલાકે  અહિંથી વીરપુર જવા નીકળ્યા. ખોડલધામ થી લીધેલ ઠંડાપીણાની મિજબાની માણતા માણતા બાળકો એ ચાલુ બસે ડાન્સ કર્યો જેમાં શિક્ષિકા બહેન પણ સામેલ થયા અને બાળકોને ખુબ આનંદ કરાવ્યો અને અમુક બાળકો રડ્યા, આમ આનંદ કરતા કરતા અને રડતા રડતા ૦૫:૨૦  વાગ્યે  વિરપુર પહોંચ્યા.અહિ દર્શન કરી ૦૬:૦૦ વાગે ભોજનાલય શરૂ થતા જલારામ બાપાના સાનિધ્યમાં ભોજન લઇ પ્રસાદી લીધી, પછી બાળકોને મંદિરની બહાર ખુલ્લી જગ્યામાં બેસાડી મંદિર વિશે માહિતી આપી મંદિરમાં આજે પણ દાન ધર્માદો સ્વીકારવામાં આવતો નથી તે અંગે જાણ કરવામાં આવી અને શું કામ સ્વીકારવામાં આવતો નથી તેનો બાળકને ખ્યાલ આપવામાં આવ્યો,વીરપુરની ખરીદી બજારમાં જમીને બાળકોએ પુષ્કળ ખરીદી કરી ,આઇસ્ક્રીમ અને કેન્ડીનો રસાસ્વાદ માણ્યો , બાળકોને પહેલેથી જ એકત્ર થવાનો સમય આપેલો હતો એ સમયે બાળકો આપેલ જગ્યાએ પહોંચી ગયા ત્યાં બાળકોની હાજરી પૂરી  ૦૮:૧૫ વાગ્યે  વિરપુર થી સરતાનપર તરફ રવાના થયા.લાંબી મુસાફરી બાદ બાળકો રાત્રે ચાલુ બસે શોર બકોર કરતાં-કરતાં, કિલકિલાટ કરતાં-કરતાં પોતપોતાની સીટમાં નિંદ્રાધીન થઈ ગયા , લગભગ રાત્રિના ત્રીજા પહોર આસપાસ ૦૨:૦૦ વાગે સરતાનપર પહોંચ્યા.સરતાનપર પહોંચતાની સાથે બાળકોએ પોતાના ઇષ્ટદેવનો જયનાદ કર્યો, સરતાનપરના પ્રવેશ દ્વારે આવેલ પેટ્રોલ પંપના પટાંગણમાં બાળકોને ધોરણ વાઈઝ  બેસાડી દરેક બાળકનો સામાન ઉતારી પ્રવાસની બસને ચેક કરી  ડ્રાઇવર અને કંડકટર ને  બક્ષીસ આપી પ્રવાસમાં આપેલ  સહકાર બદલ આભાર વ્યક્ત કરી રવાના કર્યા,દરેક  વાલીને ફોન કરી પહેલેથી જ જાણ કરેલ હોવાથી તે બાળકને લેવા પહોંચી ગયા હતા, હાજરીપત્રકમાં બાળકની હાજરી પૂરી પોતપોતાના વાલીને સોંપી દઈ પ્રવાસમાં લઇ ગયેલ વસ્તુઓને યોગ્ય જગ્યાએ મૂકવાની વ્યવસ્થા કરી લગભગ ત્રીજા પહોરની શરૂઆતમાં અમે પોત પોતાને  ઘેર જવા શાળાએથી નીકળ્યા.આ રીતે અમારો શૈક્ષણિક પ્રવાસ સુપેરે સંપન્ન થયો.

            બે - ત્રણ દિવસ બાદ શૈક્ષણિક પ્રવાસના  ખર્ચના આંકડાઓ મેળવી, બાળક દીઠ વધારાની રકમ પરત કરવામાં આવી, પ્રવાસમાં  આવનાર દરેક બાળકો પાસે શૈક્ષણિક પ્રવાસનો અહેવાલ લખાવવામાં આવ્યો અને પ્રવાસ અંગેના પોતાના અભિપ્રાયો જાણવામાં આવ્યા,આચાર્યશ્રી દ્વારા પ્રવાસ દરમ્યાન બાળકોએ આપેલ સાથ અને સહકાર બદલ આભાર વ્યક્ત કરવામાં આવ્યો.આ રીતે અમારો શૈક્ષણિક પ્રવાસ એક સુખદ અનુભવ બની ગયો. 

❆ ➯પ્રવાસ અહેવાલ


  ❆ ➯ This report is sample, you can modify it according to our requirement_ 

❆ ➯ Education Tours and Travels contact no click here

 ❆ શૈક્ષણિક પ્રવાસ ટ્રાવેલ્સ સંપર્ક નંબર  ❆ 

  

    
  Tours Travels  Discription 
    
 Contact No  
  
 
  

    
 ➯ Shree Sai Tour _ Travels - વિપુલ સંઘવી,   મહુવા  
    
  9824017637, 9157302302  
  
 

 
  

    
 ➯ દેવળીયા પાર્કમાં  સિંહ દર્શનમાં  ફી  કન્સેશન  G mail  15 day more mail send 
    
  dcfwildlife@gmail.com  
  
 

  
  

    
 ➯ ત્રિવેણી સંગમ ધર્મશાળા સોમનાથ 
    
  7096790790  
  
 

  
  

    
 ➯ ગોરક્ષનાથ આશ્રમ જુનાગઢ શેરનાથબાપુ  
    
  0285-2653559  
  
 
  
  

    
 ➯ સાયન્સ એજ્યુકેશન મ્યુઝિયમ તારામંડળ જુનાગઢ 
    
  0285-2623565  
  
 
  
  

    
 ➯ wel_come 
    
  No  
  
 
  
  

    
 ➯ wel_come 
    
  No  
  
 
  
  
  

❆ ➯ More...

  ❆ ➯ This section is working mode_ 
  

Follow @jpsutariya1